kahan the aise ki ab jaise khadd-o-khal hue
ba-rang-e-sabza-e-tar the ki paemal hue

ghurur-e-mehr ka uqda khula kahan ja kar
hamare jism ki jab aaina-misal hue

misal-e-shabnam-e-awara hi baras ki badan
hawa-e-gard-e-talab se bahut nidhaal hue

dilon mein aaj bhi naqsh-o-nigar zinda hain
wo jin ko bichhde hue hum se kitne sal hue

wo umr hum ne khayalon ko khwab mein dhaala
wo umr guzri to wo khwab phir khayal hue

tumhaare bare mein hum se hamesha puchha gaya
hamare bare mein tum se kabhi sawal hue

khushi se palte hain apni aastin mein sanp
khusha ki hazrat-e-'iqrar' ba-kamal hue