kahin shabnam kahin khushbu kahin taza kali rakhna purani diary mein qaid kar ke zindagi rakhna ghazal bhi roz bikti hai yahan bazar mein logo hifazat mein nahin mumkin hai fann-e-shaeri rakhna jo chaalaki se padh loge to chehra sab bata dega milao hath jab us se nazar chehre pe bhi rakhna zara tum 'intizar'-e-khasta-jaan ka hausla dekho use bhata hai barish mein libas-e-kaghazi rakhna