kahta hai kaun hijr mujhe subh o sham ho
par wasl mein bhi lutf nahin jo mudam ho

shikwa kiya ho mere lab-e-zakhm ne kabhu
to mujh pe aab-e-tegh ilahi haram ho

sahab tum apne munh ko chhupate ho mujh se kyun
hai us se kya hijab jo apna ghulam ho

munh lagne se raqib ke ab sar chadhe hain sab
kar dale us ko zabh abhi intizam ho

mat dard-e-dil ko puchh ba-qaul-e-'fughan' 'bayan'
ek umr chahiye mera qissa tamam ho