kahta hai koi sun ke meri aah-e-rasa ko
pahchante hain hum bhi zamane ki hawa ko

tasir ke do hisse agar hon to maza hai
ek meri fughan ko mile ek teri ada ko

hum sa koi banda bhi zamane mein na hoga
gar us ne bhulaya to kiya yaad khuda ko

santa hun ki hai khwahish-e-pa-bos use abhi
wo pis ke rakh den na kahin barg-e-hina ko

ai 'nuh' abhi hai meri fariyaad unhin se
jab wo na sunenge to pukarunga khuda ko