kahun kya dil udane ka tera kuchh dhab nirala tha
wagarna har tarah se ab talak to main sambhaala tha

kahan ab khul ke wo rona kidhar wo ashk ki shorish
kabhu kuchh phut bahta hai jigar par wo jo chhaala tha

hua aawara-e-dasht-o-bayaban dekhte apne
wo tifl-e-ashk jo ulfat se aankhon bich pala tha

tera gham kha gaya mera kaleja dil sabhi yak bar
hua hoga kahan se ser ye to ek niwala tha

abhi to lag na chalna tha 'asar' us gul-badan ke sath
koi din dekhna tha zakhm-e-dil be-tarah aala tha