kaise amir kis ke gada tajdar kya
darul-fana mein jabr hai kya ikhtiyar kya

wo tez dhup hai ki pighalne lage hain khwab
zulfon ke sae denge fareb-e-bahaar kya

aabaad kar kharabae--zehn-o-khayal ko
shahron mein dhundhta hai sukun-o-qarar kya

simte to musht-e-khak hai ye aadmi ki zat
bikhre to phir ye arsa-e-lail-o-nihaar kya

main hun 'sarosh' banda-e-majbur-o-na-tawan
mujh mein bhi tera aks hai parwardigar kya