kaliyon ki mahak hota taron ki ziya hota
main bhi tere gulshan mein phulon ka khuda hota

har chiz zamane ki aaina-dil hoti
khamosh mohabbat ka itna to sila hota

tum haal-e-pareshan ki pursish ke liye aate
sahra-e-tamanna mein mela sa laga hota

har gam pe kaam aate zulfon ke teri sae
ye qafila-e-hasti be-rahnuma hota

ehsas ki dali par ek phul mahakta hai
zulfon ke liye tum ne ek roz chuna hota