kam tere zabt ki qimat nahin karne wale
hum teri aankh se hijrat nahin karne wale

apne nazdik mohabbat hai ibaadat ki tarah
hum ibaadat ki tijarat nahin karne wale

ye alag baat ki izhaar nahin kar sakte
ye na samjho ki mohabbat nahin karne wale

kat kar phenk de sar chahe saja neze par
hum tere hath pe bai'at nahin karne wale

hakim-e-waqt zara apne gareban mein jhank
log be-wajh baghawat nahin karne wale