kanar-e-chashm se abru tak aa gaya kajal
ki aaj sehn-e-haram mein utar gae baadal

nigah-e-shauq gai jab bhi khush-libason tak
durust ho gain zulfen sanwar gae aanchal

na puchh husn ke andesha-ha-e-ruswai
zahe junun ki jise yaad maslahat na mahal

magar kisi se numaindagi-e-haq na hui
sanam-kade ne tarashe hazar lat-o-hubal

ba-sad-nashat hain wo mujh pe mehrban 'mani'
nazar nazar mein tarana nafas nafas mein ghazal