karen un se shikayat aur gila kya
unhen hum ko satane se mila kya

hamare qissa-e-gham ko suna kar
usi gham se kisi ka dil jala kiya

kiya badnam hai sare jahan mein
tumhein mil jaega is ka sila kya

kabhi nazar-e-inayat se na dekha
sukun-e-dil hamein milta bhala kya

sar-e-mahfil wo nazron ka bachana
wo lamhe bhul jaenge bhala kya

usi be-e'tinai ne sataya
jafa sah kar rahega hausla kya

hue bimar hum bar-e-nazar se
karen izhaar-e-gham ab barmala kya

fazaen kyon moattar ho rahi hain
jahan-e-zindagi mein gul khila kya