karte bhi kya huzur na jab apne ghar mile
dushman se hum kabhi na mile the magar mile

bulbul pe aisi barq giri aandhiyon ke sath
ghar ka pata chala na kahin baal-o-par mile

un se hamein nigah-e-karam ki umid kya
aankhen nikal len jo nazar se nazar mile

wada ghalat pate bhi batae hue ghalat
tum apne ghar mile na raqibon ke ghar mile

afsos hai yahi mujhe fasl-e-bahaar mein
mera chaman ho aur mujhi ko na ghar mile

chaaron taraf hai sham-e-mohabbat ki raushni
parwane dhund dhund ke lai jidhar mile