kaun kahta hai ki wo us par hai wo yahin hai bas pas-e-diwar hai ishq ko gar aansuon se pyar hai hum ko bhi rone se kab inkar hai zindagi raqsan hai us ki qabr par zindagi se jo raha bezar hai us taraf mat jaiye hai dil wahan na-tawan dhahti hui diwar hai ruh ki nagri mein chaaragar mila rabta us se magar dushwar hai jaiye jab bhi koi hail nahin yaad ka ghar be-dar-o-diwar hai jo nahin tujh ko mila 'mira' to kya jo mila wo bhi to sab bekar hai