kaun si diwaron se main takraya na waqt se aage lekin main ja paya na sare aqide habs ke mabad hain jin mein kabhi hawa ka jhonka tak bhi aaya na us ki yaad mein sari umr ganwa baitha mera kabhi khayal bhi jis ko aaya na us ne jab sannate ki diwar chuni tum ne bhi to us dam shor machaya na jaane us ke lahje mein kya jadu tha kisi ne us ki baaton ko jhuthlaya na bas ek kabe ka patthar hi bacha 'faqih' warna mujh par kaun sa patthar aaya na