khabar kahan thi mere ilm-e-iktisabi ko
kitab-e-dil hai bahut haq ki bazyabi ko

wo zabt-e-shauq jo buniyaad-e-zabt-e-mai-khana
usi ka hosh na saqi ko na sharabi ko

abhi kahan hai mere zakhm-e-dil ki wo rangat
gulab dekh ke jal jae jis gulabi ko

khuda ke samne insan ki taraf-dari
aziz rakhta hai dil apni is kharabi ko

ghazal ko dar hai ki zinda na dafn ho 'pinhan'
saza mile na sadaqat ki be-hijabi ko