khamosh ho gaya aakhir pukarne wala
mila na bojh koi bhi utarne wala

hazar chehre pe pakizgi sahi us ke
magar hai khwahishen dil mein ubhaarne wala

hazar rang na badle zamin bhi kyunkar
hai aasman kai rup dhaarne wala

raha hai kargah-e-fan mein kaamyab bahut
har ek bazi zamane mein haarne wala

nahin hai koi 'jahangir' ek hamare siwa
ghamon se zindagi apni nikhaarne wala