khatm hone ja rahi hai raegani shukriya shukriya ai dil ai mere yar-e-jaani shukriya dasht mein khilne laga hai ishq ka taza gulab muskura kar dekhiyega mehrbani shukriya aakhirash tu ne kahin se to mujhe aawaz di dil pe patthar rakh ke meri baat mani shukriya jag ai qismat ki teri god mein sar rakh diya sahl kar de mujh pe thodi zindagani shukriya aap ne 'rashid' khizan mein sabz kar dala mujhe aap ke aane se aai shadmani shukriya