khazana kaun sa us par hoga
wahan bhi ret ka ambar hoga

ye sare shahr mein dahshat si kyun hai
yaqinan kal koi tyauhaar hoga

badal jaegi us bachche ki duniya
jab us ke samne akhbar hoga

use nakaamiyan khud dhund lengi
yahan jo sahab-e-kirdar hoga

samajh jate hain dariya ke musafir
jahan main hun wahan manjdhaar hoga

zamane ko badalne ka irada
kaha to tha tujhe bekar hoga