khidkiyan suni dar-o-diwar chup
sari galiyan aur bhare bazar chup

kis qayamat ki khabar aane ko hai
ganw ke chaupal chup akhbar chup

darmiyan hai khauf ka dariya rawan
main yahan khamosh wo us par chup

ek sada us ko bulane ke liye
ek sada aae mujhe har bar chup

kaisa qaht-e-adamiyat hai yahan
zindagani ke sabhi aasar chup

kis qayamat ka hai ye tanha safar
raste chup rah ke ashjar chup

main ne to insaf manga tha magar
aaj hai 'ausaf' har darbar chup