khilaf-e-haq na hamara bayan jaega
wo jaan le ki hamari ye jaan jaega

kirae-dar ki fitrat use nahin malum
ab us ke hath se apna makan jaega

main apne rukh pe mukhauta laga nahin sakta
wo mere dil mein chhupa raaz jaan jaega

tamam shahr ke haalat jaanta hai magar
kab apne ghar ki taraf us ka dhyan jaega

abhi wo mujh se khafa hai bahut magar 'sajid'
use manaunga aise ki man jaega