khud-faramosh jo paya hai mujhe duniya ne mere hathon se bhi luta hai mujhe duniya ne dil to be-dam bika zehn ki qimat na lagi kaise bazar mein becha hai mujhe duniya ne waqf-e-jazbaat na hone ki saza di hai ajab aatish-e-sard mein phunka hai mujhe duniya ne ham-safar mujh ko banane se gurezan hai magar har nae mod pe dhunda hai mujhe duniya ne be-asar meri futuhat rahi hain 'akhtar' main jo haara hun to puja hai mujhe duniya ne