khud ko pahchana to duniya ajnabi lagne lagi har talluq mein talluq ki kami lagne lagi kya zaruri tha ki tum milte raho asna-e-rah ek muamma si tumhaari be-rukhi lagne lagi mera mustaqbil na batla dekh koi sun na le kitni larza-khez teri aagahi lagne lagi kho gae apne mein khud ko dhundne wale tamam ab to irfan-e-ana bhi gumrahi lage lagi khushk ek muddat se tha jo mere aangan ka darakht ab ke tum aae to patti phir hari lagne lagi