khud se uktae hue apna bura chahte hain bas ki ab ahl-e-wafa tark-e-wafa chahte hain un ke iman pe raha hai teri qudrat ka madar yahi ushshaq jo matub hua chahte hain hum ki khud-soz hain jine nahin dete khud ko tu mayassar hai to kuchh tere siwa chahte hain pattharo aao ki nadim hain shabihen khud par aaine apni jasarat ki saza chahte hain zindagi zabt ki qail hai ki sunti hi nahin aise zakhmon ki sadaen jo dawa chahte hain