khuda shahid buto do-jag se ye sauda hai nirwala
main do baadam-e-chashm-e-lutf par dil bechne wala

dono aalam se mashrab mast-e-wahdat ka hai nirwala
mere ek hath mein tasbih hai ek hath mein pyala

nahin is sal wo khunin-nayan bhure alak wala
lago lala ko aag aur ho jo na-farman ka munh kala

wo shirin-lab ka bosa kyunke chhode mujh sa matwala
ki jun lala bichhadte us dahan se dagh ho pala

nahin farigh main baad-az-marg bhi soz-e-mohabbat se
mera khun daman-e-qatil mein hoga dagh jun lala

wo na-farman bana khun-e-jigar se mai na pi uzlat
kabab-e-dil ki bu aati hai har pyale se jun lala