khul gaya na ho kisi aur taraf bab mera kahin aawara-e-ghurbat hi na ho khwab mera khitta-e-khak mein kuchh khak pe tohmat meri sar-e-aflak koi khema-e-mahtab mera dil-e-awara kahin chashm kahin khwab kahin kaisa bikhra dar-e-afaq pe asbab mera khwahish-e-jaan bhi laraz jati hai har ashk ke sath meri mitti ko bhi le jae na sailab mera dil kahan aur kahan shorish-e-paiham dil ki kis tamanna mein rawan hai tan-e-betab mera