khushiyan tamam gham mein wo tabdil kar gaya aakhir mere khulus ki tazlil kar gaya wo ek shakhs doston mar to gaya magar raushan jahan mein pyar ki qindil kar gaya likh kar wafa ka nam wo sada waraq pe aaj puri har ek kitab ki tafsil kar gaya shoala-bayan tha kitna khatarnak dosto lafzon ka zahr jism mein tahlil kar gaya 'saifi' ki aaj maut pe dushman bhi kah uthe achchha tha wo hayat ki takmil kar gaya