khushk hain ye sabhi samundar chal
tishnagi ho gai muqaddar chal

rog mat aashnaiyon ke badha
chhod aawargi miyan ghar chal

zarra-zarra na khud bikhar aisa
jama kar apne aap ko ghar chal

hain haqaeq ke marhale darpesh
apne khwabon ka bandh bistar chal

pet ke masale bulate hain
kar-khane dukan daftar chal

zindagi rasta hai shoalon ka
daman-e-afiyat bacha kar chal

bhul mat apni haisiyat 'rahi'
apni hadd-e-rasa ke andar chal