khwahish hai aaine pe tujhe aaina karun
par husn-e-be-baha teri ujlat ka kya karun

be-kar ho chuka hun tere hijr ke tufail
ab tujh ko intizar mein kya mubtala karun

kaghaz ki ek naw utarun aur is ke baad
dariya pe apna ghaiz-o-ghazab runuma karun

pahle tujhe milaun kisi khwab-zar se
phir subh ki dalil pe aankhen fana karun

kuchh der bolne ka agar ehtimam ho
main lafz ko lakir ka bhi muddaa karun