ki shikayat na koi shikwa-e-bedad kiya
kya kahe wo ki jise dost ne barbaad kiya

kya khabar kis ki dua se wo hamein mil jae
ek parinda isi ummid pe aazad kiya

hae wo shakhs jo karta tha hamari khwahish
raqs-e-tanhai mein aaj us ko bahut yaad kiya

maslahat-kosh zamane mein bhi sach bol sake
hum ne is shahr mein wo aaina ijad kiya

mera wo ghar jo mera ghar hi nahin tha 'ruhi'
main ne is ghar ko ajab naz se aabaad kiya