ki thi jis ko shakl-e-mahbubi ata
sar usi patthar se zakhmi ho gaya

har ghadi rahta tha aaina-ba-dast
khud-satai ke siwa karta bhi kya

ho gaya jab us ko idrak-e-jahan
tod kar aaina us ne rakh diya

wo hua hai pairahan ka yun asir
khul ke ab hansna bhi mushkil ho gaya

is se badh kar aur kya ho us ka wasf
aadmi takhliq-o-takmil-e-khuda

us ko bahar ki khabar kya bich mein
khinch kar baitha hua hai daera

hai yahan na-paid khatt-e-mustaqim
zindagi hai pech-o-kham ka silsila