kise khabar hai main dil se ki jaan se guzrunga
jo bar bar saf-e-dushmanan se guzrunga

yaqin bhi tujhe aaega meri hasti par
yahi nahin ki main tere guman se guzrunga

har ek shai meri jaanib hi multafit hogi
main tere sath agar shahr-e-jaan se guzrunga

andheri raat ka mujh ko zara bhi khauf nahin
kai charagh jalenge jahan se guzrunga

zamin zad hun 'saifi' zamin pe rahna hai
na kahkashan na kisi aasman se guzrunga