kisi ke dard se wo aashna hota to kya hota
kisi ke dil mein gar khauf-e-khuda hota to kya hota

khushi rah kar sada mujh se wo hukm-e-qatl deta hai
khuda jaane agar wo but khafa hota to kya hota

abhi banda hai wo is par bhi itni zulm-rani hai
khudawanda agar banda khuda hota to kya hota

mujhe kuchh maut ki parwa nahin ai dawar-e-mahshar
yatimon ka bhi koi aasra hota to kya hota

abhi mehndi lagai thi abhi khun kar diya mera
agar rang-e-hina 'asghar' chadha hota to kya hota