kisi surat sahar nahin hoti
raat idhar se udhar nahin hoti

khauf sayyaad se na barq ka dar
baat ye apne ghar nahin hoti

ek wo hain ki roz aate hain
ek hum hain khabar nahin hoti

ab main samjha hun kat kar shab-e-gham
zindagi mukhtasar nahin hoti

kitni paband-e-waza hai shab-e-gham
kabhi ghairon ke ghar nahin hoti

kitni sidhi hai rah-e-mulk-e-adam
hajat-e-rahbar nahin hoti

sun liya hoga tum ne haal-e-mariz
ab dawa kargar nahin hoti

arsh milta hai meri aahon se
lekin un ko khabar nahin hoti