kiye jata jo wo jaur-o-jafa hai jafa ki bhi kuchh aakhir intiha hai usi ne de ke dam dil le liya hai qusur is mein batao mera kya hai faqiron ka pata kya puchhte ho jahan thahre wahi rahne ki ja hai zara dekho to chashm-e-ghaur se tum yahi aaina-e-dil haq-numa hai hue dagh-e-junun taza hamare bahaar aai chaman phula-phala hai teri khak-e-qadam ai rashk aisi mariz-e-hijr ko khak-e-shifa hai hai ye daur-e-shabab ai saqi-e-dahr pila de mai uthi kali ghata hai nahin dawa hai qatil se kuchh apna mujhe to zabh 'khanjar' ne kiya hai