koi kisi ki taraf hai koi kisi ki taraf
kahan hai shahr mein ab koi zindagi ki taraf

sabhi ki nazron mein ghaeb tha jo wo hazir tha
kisi ne ruk ke nahin dekha aadmi ki taraf

tamam shahr ki shamen usi se raushan thin
kabhi ujala bahut tha kisi gali ki taraf

kahin ki bhuk ho har khet us ka apna hai
kahin ki pyas ho jaegi wo nadi ki taraf

na nikle khair se allama qaul se bahar
'yagana' tut gae jab chale khudi ki taraf