kucha-e-dida-waran mein dar-e-tasir ke pas
sikhne jaiye aadab-e-sukhan mir ke pas

ras aai na rihai tere diwane ko
der tak baith ke roya kiya zanjir ke pas

ab mere shahar ke logon se lahu mange hai
raushnai na rahi katib-e-taqdir ke pas

dil ke manind dhadakne laga har ghuncha-e-surkh
shakh-e-gul hum ne jo rakh di teri taswir ke pas

raunaq-e-maikada-e-ghaalib-o-khusro taslim
baithiye chal ke zara der ko ab mir ke pas