kuchh bhi bacha na kahne ko har baat ho gai
aao kahin sharab piyen raat ho gai

phir yun hua ki waqt ka pansa palat gaya
ummid jit ki thi magar mat ho gai

suraj ko chonch mein liye murgha khada raha
khidki ke parde khinch diye raat ho gai

wo aadmi tha kitna bhala kitna pur-khulus
us se bhi aaj lije mulaqat ho gai

raste mein wo mila tha main bach kar guzar gaya
us ki phati qamis mere sath ho gai

naqsha utha ke koi naya shahr dhundhiye
is shahr mein to sab se mulaqat ho gai