kuchh faede bhi hote hain ujde makan ke alfaz is mein gunjte hain raftagan ke ai chand is mein teri bhi sazish zarur hai tare kidhar gae hain mere aasman ke ud jaega yaqin ke pinjre ko tod kar thode se par nikalne do wahm-o-guman ke ghazlen meri bacha lo bure waqt ke liye alfaz bech dalna mujh be-zaban ke karbal ki ret dekh ke itne the mutmain jaise ki muntazir hon isi imtihan ke ek bar mere lafzon ko padh kar zaban se kirdar zinda kar do meri dastan ke itna asar to rakhti hai man ki dua 'ali' dekhe hain main ne khulte kiwad aasman ke