kyon hua bab wa udasi ka
kuchh bigada hai kya udasi ka

main ne kaghaz pe sher likh kar phir
rang us mein bhara udasi ka

muskuraata chala gaya phir main
dil bahut tha jala udasi ka

tum mere ghar dobara aae ho
phul phir se khila udasi ka

meri tishna-labi mita saqi
ek sagar pila udasi ka

kis ne toda shajar mere ghar se
ki parinda uda udasi ka

nahin malum tujh ko bhi 'hamza'
tu bhi hai manchala udasi ka