kyon khafa rashk-e-hur hota hai
aadmi se qusur hota hai

mai-e-ulfat se phir gaya jo dil
surat-e-shisha chur hota hai

khak-e-ashiq se jo darakht uga
tur hota hai nur hota hai

jis ko dekha wo is zamane mein
apne nazdik dur hota hai

khaksari wo hai ki zarron par
roz baran-e-nur hota hai

kis ki leta nahin khabar rawaq
aaludgi na-subur hota hai

ai hawas nan-e-dagh bas na laga
garm tufan tanur hota hai

kashti-e-mai nahin to ai saqi
bahr-e-gham se ubur hota hai

bagh mein jao jate ho jo 'nasim'
subh ko wo zarur hota hai