kyon sajaen hain baam-o-dar baba
kaun aata hai laut kar baba

kab milen phir kise khabar baba
dekh len us ko ek nazar baba

mar dalega ye safar baba
kya hue rah ke shajar baba

chhod mehr-o-wafa ke afsane
ab koi aur baat kar baba

dosti ishq khun ke rishte
sab ke sab ghair mo'atabar baba

raat bhar mere sath jagti hai
us ki yaadon ki dopahar baba

nind ki dushmani hai aankhon se
yaad aata hai apna ghar baba