laga liya tha dil ko ek sil ke sath
so ji raha hun dard-e-mustaqil ke sath

sab apni apni jannaton mein kho gae
kise padi nibhata mujh khajil ke sath

main jis taraf tha jaan ki aman na thi
wo ho gaya hujum-e-mushtail ke sath

udan bhar raha tha wo khalaon ki
hamara rabta tha aab-o-gil ke sath

be-itminan ho gaya tera asir
ye kya kiya hai tu ne mere dil ke sath

phir us ke zikr ne rula diya 'zaki'
hai chhed-chhad zakhm-e-mundamil ke sath