leta hun us ka nam bhi aah-o-buka ke sath
kitna hasin rishta hai mera khuda ke sath

us ki qubuliyat mein koi shak nahin raha
bheje hain hum ne ashk bhi ab ke dua ke sath

bujhte hue charagh ko hathon mein le liya
is bar bazi jit li main ne hawa ke sath

aa ke bacha le maut mujhe zindagi se tu
kitni guzarun aur main is bewafa ke sath

tufan mein mujh ko banna pada us ke dast-o-pa
'sahil' wagarna banti na thi na-khuda ke sath