lijiye khatm hua gardish-e-taqdir ka rang
aaiye dekhiye mitti hui taswir ka rang

hum ne jheli hain zamane mein kashish ki kadiyan
hum se puchhe koi bigdi hui taqdir ka rang

zikr-e-tadbir abas fikr-e-rihai be-sud
jab ki mitta nazar aane laga taqdir ka rang

hum bhi aae hain kafan bandh ke sar se qatil
dekhna hai teri chalti hui shamshir ka rang

kya bataun main tumhein soz-e-darun ki had ko
din mein sau bar badal jata hai zanjir ka rang

uf re wo zor-e-jawani ki ilahi tauba
aaina tod ke nikla teri taswir ka rang

hum samajhte hain zamane ki rawish ko 'alim'
hum ne dekha hai badalte hue taqdir ka rang