luta sukun mera dil-e-be-qarar ne
mujh ko khizan bana diya meri bahaar ne

tujh ko yaqin nahin hai to ai charkh puchh le
dekha hai hausla mera barq-o-sharar ne

sham-e-firaq chand sitare nahin to kya
raushan kiye hain dagh dil-e-dagh-dar ne

ahd-e-shabab abr-e-siyah mai-kada-ba-dosh
tauba ko meri tod diya hai bahaar ne

'muztar' junun-e-shauq ki mere nawazishen
talwon ko tere chuma hai sahra ke khar ne