mah o anjum ki raushni gum hai
kya har ek bazm se khushi gum hai

chand dhundla hai chandni gum hai
husn walon mein dil-kashi gum hai

zindagi gum na dosti gum hai
ye haqiqat hai aadmi gum hai

is taraqqi ko aur kya kahiye
shahr se sidq ki gali gum hai

phul lakhon hain sehn-e-gulshan mein
un ki honton ki go hansi gum hai

mehnat-e-bagh-ban ka zikr nahin
ghul hai phulon se dil-kashi gum hai

hai taraqqi nae adab ki ye
sher se husn-e-shaeri gum hai

gham batao 'kanwal' kahan dhundun
bazm-e-alam se dosti gum hai