mahke gesu aariz nauras
sham-e-awadh aur subh-e-banaras

un se milna mushkil az-bas
chandni raaten darban chaukas

aansu ko daman mein le lo
phul ki khushbu jae rach-bas

khame farishton ke lahraen
amdan un ke shane se mas

wo jin ke qabze mein khudai
ishq ki duniya mein hain bebas

ijz-e-wafa bhi jurm hai shayad
shahr-badar ho jaen bekas

'mani' do-alam sajde mein
palken bojhal nazren alkas