zist ka khel rachane ki zarurat kya hai rote lamhat sajaane ki zarurat kya hai yaad jab mujh ko tere sare karam hain jaanan phir ye ehsan jatane ki zarurat kya hai ishq se ishq zaruri hai magar jaan-e-aziz sab ko ye baat batane ki zarurat kya hai ek mauhum sahaara hai guzare shab ke bar is ka bhi uthane ki zarurat kya hai main gae waqt ko aawaz nahin de sakta yun bhi aawaz lagane ki zarurat kya hai phul jode mein sajaane ke liye hote hain phul pani mein bahane ki zarurat kya hai us ka chehra nazar aa jae ki 'adil' wo shakhs jaanta bhi hai zamane ki zarurat kya hai