main 'ishq kar na sakunga naya hasin ladki
hanuz zehn mein hai sabiqa hasin ladki

ba-zid na ho ki udasi tujhe bhi aa legi
tujhe pata hi nahin dukh mera hasin ladki

taras na kha meri haalat pe ashk-bar na ho
kaha bhi tha na tujhe laut ja hasin ladki

please baat samajh mujh se ab nahin hoga
na kar sakunga tera haq ada hasin ladki

samajh raha hun tujhe par main chahta hi nahin
kitab-e-husn ho dimak-zada hasin ladki

'mudassir' us se kaho ja ke us ko samjhae
koi na aaega us ki jagah hasin ladki