main jab khud se bahar nikla
kya kya mere andar nikla

barson jis ko bahar dhunda
aakhir apne andar nikla

man mein ka'ba man mein kashi
man mein hi girja-ghar nikla

man hi karan sab rogon ka
man hi khud chaaragar nikla

tan ki jab asliyyat jaani
man se marne ka dar nikla

jag se jite man se haare
man sab se taqat-war nikla

mujhe laga koi ghunda hoga
wo to ek minister nikla

hum ne samjha bund barabar
tu to 'sada' samandar nikla