main nashat-e-dard ko bar bar pukarna nahin chahta
jo guzar rahi hain ye saaten ye guzarna nahin chahta

yahi bikhri bikhri si kaenat abhi to mera jahan hai
abhi apni zulf-e-khayal ko main sanwarna nahin chahta

abhi dhundle dhundle nuqush mein koi chandni hai rawan dawan
abhi chehra-e-pas-e-zulf ko main ubhaarna nahin chahta

ajab uljhanen hain qadam qadam pas-e-ishq bhi sar-e-aql bhi
koi jitna nahin chahta koi haarna nahin chahta